නිර්මාතෘවරු

ඌව පළාතේ, බදුල්ල දිස්ත්‍රික්කයේ, මහියංගනය කලාපයේ රිදීමාලියද්ද කොට්ඨාසයේ රිදීමාලියද්ද දකුණ 11B නම් ග්‍රාම නිළධාරී කොට්ඨාසය තුළ බ/ රිදිමාලියද්ද මධ්‍ය මහා විද්‍යාලය පිහිටා ඇත.

1950 දශකයේ රිදිමාලියද්ද ග්‍රාමයේ ග්‍රාම සංවර්ධන සමිති ශාලාවක් ඉදිකර ඇත. පසුව එම ශාලාවේ කණුගොල්ලේ රතනපාල හිමියන් වස් සමාදන් කරවන ලදී. පසු කලෙක මෙම ගොඩනැඟිල්ලෙහි ඉරිදා පාසලක් ආරමිභ කරන ලදී. පසුව දෙමාපියන්ගේ දායකත්වයෙන් ඉදි කරන ලද පාසලේ හෝඩියේ පංතියේ සිට හතර පංතිය දක්වා පංති පවත්වන ලදී. පාසලේ ලොග් පොත් වල සඳහන් සටහන් වලට අනුව, මුල්ම විදුහල්පතිවරයා (එකල මුල් ගුරුවරයා) ලෙස 1952-02-14 දින පාසලේ වැඩ භාරගත් එස්.එච්.ඩබ්,පාලතිරත්න මහතා ගැත සඳහන් වේ. මේ කාලයේදී විදුහල්පතිවරයා සමඟින් ගුරුවරුන් දෙදෙනෙකුද සේවයේ යෙදී ඇති බව පැහැදිලි වේ. ආර්.ඩබ්, මිරහවත්ත මහතා සහ ඩබ්. ඒ.කේ මේබල් මහත්මිය, බ/රිදිමාලියද්ද මධ්‍ය මහා විද්‍යාලයේ සේවයේ යෙදී ඇති මුල්ම ගුරුවරුන් දෙදෙනා වේ.